ارتدى الكمامة الطبية بطريقة سليمة لا تنقل لك العدوى :
( 1 ) عدم غسل اليد بالميه والصابون أو بمطهر كحولى قبل ارتداء الكمامة لكن ( ما دام متاح زى مثلا وأنت لسه خارج من البيت ) فالأفضل والصح إنك تغسل ايدك بالميه والصابون قبل ما تلبس الكمامة علشان تبقى ايدك نضيفة وخصوصا لو حصل ولمستها.
( 2 ) مسك الجزء اللى بيكون على الفم والأنف بايدك وأنت بتلبسها لكن المفروض عدم لمسه باليد ولكن تمسك الخيط أو الاستيك اللى بتعلقها بيه فى الأذن فقط أثناء ما بتلبسها ونفس الكلام لما تيجى تخلعها.
( 3 ) لبسها على منطقة الفم فقط دون الأنف ولكن المفروض إنها تغطى منطقة الفم والأنف بشكل كامل .
( 4 ) إنك تنزلها تحت الدقن وترفعها من جديد على الوجه بشكل متكرر أو إنك تخلعها علشان تشرب سجاير أو تشرب أى مشروب أو تأكل مثلا وترجع تلبسها من جديد فكل دى أفعال لازم تتجنبها ما دام لبستها خلاص.
( 5 ) إنك تحتفظ بالكمامة فى جيب الهدوم ده كذلك من الأفعال الخاطئة اللى لازم تتجنبها.
( 6 ) بعض الناس ممكن تبدل الكمامات مع بعض فى المواصلات أو فى الشارع لتجنب الغرامة وده مصيبة لان هتزيد جدا من انتشار العدوى والمرض بين الناس.
( 7 ) استخدام الكمامة كذا يوم وده غلط لأنها لا تستخدم إلا لمرة واحدة فقط وبعدها يتم التخلص منها بطريقة آمنة .
( 8 ) بعد التخلص منها فى ناس مش بتغسل ايدها لكن المفروض غسل اليد بالميه والصابون أو بمطهر كحولى بعد خلع الكمامة والتخلص منها.
⇐خد بالك :
- الكمامة لا توفر حماية كاملة من الفيروس ولكن لابد من اتخاذ الإجراءات الأخرى وأهمها التباعد الاجتماعى.
- عند ارتداء الكمامة يكون الجزء الأزرق من الخارج والجزء الأبيض من الداخل.
- لو مش هتنفذ الكلام ده يبقى بنضحك على نفسنا ولبس الكمامة وقتها غالبا ملوش لازمة.
تعليقات
إرسال تعليق